Pamamahala ng Data

Sa MyFitnessPal, layunin naming tulungan ka sa iyong paglalakbay pagdating sa fitness at wellness at gusto naming magkaroon ka ng kontrol sa iyong Personal na Data na ibinibigay mo sa amin sa kabuuan ng paglalakbay na ito.

Ang Pamamahala ng Data na ito ang magbibigay sa iyo ng impormasyon sa kung paano kami nagbabahagi ng data at ang mga karapatan mong mag-opt out sa ilang partikular na kasanayan sa pagbabahagi ng data.

Gaya ng maraming digital na kumpanya, ginawa ang mobile application at website ng MyFitnessPal gamit ang iba't ibang teknolohiya at service provider. Dahil dito, hindi kami makakapag-alok ng iisang paraan para mag-opt out. Gayunpaman, nasa ibaba ang mga tagubilin para sa mga sunod-sunod na hakbang sa PAG-OPT OUT para sa lahat ng opsyong available sa iyo. Puwede mo ring puntahan ang aming Patakaran sa Privacy para sa mga karagdagang impormasyon kaugnay ng iyong privacy.

Pero Bago ang Lahat, Kaunting Konteksto Tungkol sa Mga Kumpanyang Katuwang Namin

Hinihingi ng California Consumer Privacy Act (CCPA) sa isang negosyo na sabihin sa mga consumer nito sa California kung paano nito ibinabahagi ang kanilang data, kung “ibinebenta” ba nito ang kanilang data, at ang mga paraan kung paano makakapag-opt out ang mga user sa pagbebenta ng kanilang data (o kung paano nila ito “mao-off”). Sa kasong ito, ang “ibinebenta” at “pagbebenta” ay hindi nangangahulugang pagbibigay ng data kapalit ng pera- hindi namin gawain iyan. Sa halip, ang ibig sabihin ng “pagbebenta” ay ang pagpapasa ng data, kabilang ang teknikal na data ng device, sa ibang kumpanya na puwedeng gumamit sa naturang data para sa mga sarili nilang layunin, gaya ng advertising.

Ang Aming Mga Service Provider

Puwede kaming mangolekta ng iyong Personal na Data kapag gumamit ka ng serbisyo (website o app) at mga nauugnay na online na komunidad ng MyFitnessPal. Kabilang dito kapag nag-click ka sa mga advertisement, nakipag-ugnayan sa aming mga social media page, nagsumite ng content, nag-iwan ng mga review, o kaya ay naglagay ng impormasyon sa mga field ng komento, blog, message board, event, at iba pang forum ng komunidad na affiliated sa MyFitnessPal.

Mga Kumpanyang Gumagamit ng Data, Kahit Hindi Buo, para sa Mga Sarili Nilang Layunin

Kapag nagbahagi kami ng data sa mga kumpanyang gumagamit ng data, kahit hindi buo, para sa mga sarili nilang layunin (halimbawa, para sa ilang partikular na naka-target na advertising), itinuturing ito na “pagbebenta” ng impormasyon sa ilalim ng CCPA. Pangunahin itong nangyayari sa mga kumpanyang may online advertising at mga nauugnay na serbisyo.

Ano:

Pag-opt Out sa Naka-personalize at Naka-target na Advertising

Nagpapakita kami ng advertising sa MyFitnessPal. Para makapagpakita ng may kaugnayang pang-advertising at pang-marketing na content, may mga impormasyong ipinapasa sa aming mga service provider papunta sa mga third party.

Ganito ito gumagana: Kapag binuksan mo ang MyFitnessPal app o bumisita ka sa aming website, magde-detect kami ng ilang impormasyon tungkol sa iyo, device mo, at paggamit mo sa aming mga serbisyo. Nagpapadala kami ng signal sa aming mga partner sa paghahatid ng ad kasama ang data na ito. Pagkatapos, ibabahagi at itutugma ng mga naturang kinontratang service provider ang naturang signal sa mga third party at kumpanyang gustong umabot ng mga consumer at user gaya mo. Nagaganap ito habang nilo-load ang isang web page o binubuksan ang mobile app.

May Ari ng MyFitnessPal Account

Kung mayroon kang ginagamit na account sa MyFitnessPal at gusto mong mag-opt out sa naka-personalize na advertising, pakitingnan ang mga tagubilin sa mga seksyong “Paglilimita sa Mga Cookie at Iba Pang Teknolohiya ng Pagsubaybay,” “Pag-opt Out sa Mga May Kaugnayan at Kapaki-pakinabang na Ad,” “_Baguhin ang Mga Setting ng Iyong Device_” sa ibaba.

Mga Walang Account

Kung gusto mong mag-opt out sa mga kumpanyang gumagamit ng data para sa mga naka-personalize na advertising, pakitingnan ang mga tagubilin sa seksyong “_Paglilimita sa Mga Cookie at Iba Pang Teknolohiya ng Pagsubaybay_” sa ibaba.

Pag-opt Out sa Mga Kasanayang Nauugnay sa Pagbisita sa Aming Website:

Kapag binisita mo ang aming mga website, kahit na hindi ka mag-log in o gumawa ng account, nangongolekta at nagso-store kami ng limitadong impormasyon. Puwede kaming gumamit ng mga cookie at iba pang teknolohiya ng pagsubaybay (gaya ng mga web beacon) o identifier (gaya ng IP address) alinsunod sa nakasaad sa aming Patakaran sa Privacy. Puwedeng pumunta ang mga may account at walang account sa seksyong “Paglilimita sa Mga Cookie at Iba Pang Teknolohiya ng Pagsubaybay” sa ibaba para sa mga tagubilin sa kung paano mag-opt out at limitahan ang ilang partikular na pagsubaybay.

Paano:

Paglilimita sa Mga Cookie at Iba Pang Teknolohiya ng Pagsubaybay

• Pahintulot sa Cookie at Pag-opt Out sa Cookie: Nagbibigay kami ng mga tool na madaling gamitin sa lahat ng aming website para matulungan kang pamahalaan ang iba't ibang uri ng mga cookie, kabilang ang mga cookie na nauugnay sa marketing at advertising. Kung nasa European Union o United Kingdom ka, hihingiin namin ang pahintulot mo para sa ganitong uri ng pagsubaybay sa unang beses mong pagbisita sa website ng MyFitnessPal. Para sa mga user na nasa ibang lokasyon, puwede mong i-access at pamahalaan ang iyong mga opsyon sa pamamagitan ng paghahanap sa mga link na “Mga Kagustuhan sa Cookie” sa aming mga footer. Mag-click lang sa link na ito at piliin ang “Higit Pang Impormasyon.” Dito, puwede kang mag-opt down o mag-opt out sa ilang partikular na kategorya ng pagsubaybay. Puwede ka ring mag-opt out sa ilang partikular na vendor sa pamamagitan ng pagpili sa “Mga Advanced na Setting” at “Tingnan ang Mga Cookie.” I-save ang mga napili mo sa pamamagitan ng pag-click sa “Isumite ang Mga Kagustuhan.” Pakitandaan na makakakita ka pa rin ng pang-advertising at pang-marketing na content, posible nga lang na wala itong masyadong kaugnayan sa iyo.

• Mga Pag-opt Out, Opsyon, at Kontrol sa Advertising na Batay sa Interes: Kung nakatira ka sa Estados Unidos, Canada, o European Union, puwede mong bisitahin ang Ad Choices (US), Your Ad Choices (Canada), o Your Online Choices (EU) para makahanap ng isang madaling puntahang lokasyon para mag-opt out sa advertising na batay sa interes sa mga kasaling entity para sa bawat rehiyon. Available ang higit pang impormasyon sa aming Patakaran sa Privacy.

• I-clear ang Iyong Mga Browser Cookie at Cache: Puwede mo ring i-clear nang regular ang iyong mga browser cookie at cache para limitahan kung paano ka sinusubaybayan sa website ng MyFitnessPal, pati na sa anumang iba pang site na binibisita mo. Pakitandaan na kung iki-clear mo ang iyong mga cookie, mare-reset din ang mga nauna mo nang ibinigay na kagustuhan sa cookie sa aming site. Pakitingnan ang mga sumusunod na tagubilin sa kung paano ide-delete ang iyong mga cookie sa browser mo:

  • Firefox

  • Safari

  • Chrome

  • Microsoft Edge

  • Microsoft Explorer

Mag-opt Out sa Mga May Kaugnayan at Kapaki-pakinabang na Ad

Para sa higit pang impormasyon tungkol sa feature na ito, pakitingnan ang aming Mga FAQ. Pakitandaan na hindi maaalis ang advertising sa pamamagitan ng pag-off sa feature na ito. Nililimitahan lang nito kung ano ang data na ginagamit para maipakita ang mga naturang ad.

• Para mag-opt out sa naka-personalize at naka-target na advertising sa web, pakibisita ang page ng mga setting. Piliin ang “pag-personalize” at i-uncheck ang opsyong May Kaugnayan at Kapaki-pakinabang na Advertising.

• Para mag-opt out sa naka-personalize at naka-target na advertising sa mobile app, pakibisita ang menu ng higit pa (…) pagkatapos ay piliin ang “Privacy Center.” Piliin ang “Pag-personalize” at i-uncheck ang opsyong “May Kaugnayan at Kapaki-pakinabang na Advertising.”

Pagbabago sa Mga Setting ng Iyong Device

Mga Setting ng Limit Ad Tracking ng Mobile Device - Kontrolin kung paano ginagamit ang iyong mga mobile advertising ID.

• iOS - Buksan ang Settings App > I-tap ang Privacy > Mag-scroll at i-tap ang Advertising > I-toggle sa on ang “Limit Ad Tracking.”

• Android - Bisitahin ang Settings > Piliin ang Google > Piliin ang Ads > I-toggle ang “Opt out of ads personalization.”

Iba Pang Paraan para Pamahalaan ang Iyong Data:

Mag-unsubscribe sa Marketing sa Email

Kung gusto mong mag-unsubscribe sa marketing sa email, pakibisita ang Center ng Kagustuhan.

I-delete ang Iyong Account

Para i-delete ang iyong account sa pamamagitan ng website ng MyFitnessPal, mag-sign in online sa https://www.myfitnesspal.com/account/login. Kapag nakapag-log in ka na, i-click ang “Aking Home” > “Mga Setting” > “I-delete ang Account.”

Para i-delete ang iyong account sa pamamagitan ng mga MyFitnessPal mobile application:

• iOS – Pumunta sa “Higit pa” > “Tulong” > “I-delete ang Account.”

• Android – Pumunta sa “Menu” > “Tulong” > “I-delete ang Account.”

Kung hindi mo na ma-access ang iyong account, mangyaring makipag-ugnayan sa aming Customer Happiness team para sa tulong. Makikita ang higit pang impormasyon sa seksyong 'Makipag-ugnayan sa Amin' sa ibaba.

Pakitandaan na kapag na-delete mo na ang iyong account, hindi na ito mababawi. Bilang karagdagan, puwedeng umabot nang hanggang 72 oras bago ka maalis ng aming outbound email system sa email rotation.

I-access ang Iyong Data

Sa pamamagitan ng aming feature sa pag-export ng file, puwede mong ma-export ang iyong mga detalye sa nutrisyon sa antas ng pagkain, history ng pag-usad, at history ng ehersisyo. Puwedeng magamit ng mga Premium na user ang feature na ito para makita nila ang kanilang impormasyon sa Excel at iba pang data program, para makapagsagawa ng custom na pagsusuri sa kanilang impormasyon, para ma-print ang kanilang impormasyon, o para maibahagi ang kanilang impormasyon sa iba, gaya ng personal trainer.

Puwedeng ma-access ang feature na ito sa pag-export ng file gamit ang website at app ng MyFitnessPal. Para mag-download ng kopya ng iyong data sa fitness at wellness:

• Website – Mula sa “Home” screen, mag-click sa button na “Mga Ulat” sa pangunahing menu bar. Pagkatapos, i-click ang berdeng button na “Mag-export” sa screen na “Mga Chart at Ulat.” Sa pag-click sa button na ito, dadalhin ka sa screen na “Impormasyon ng Pag-export” kung saan mo puwedeng kumpirmahin ang iyong email address at piliin ang hanay ng petsang ie-export. Pagkatapos, i-click ulit ang berdeng button na “Mag-export.”

• iOS – May dalawang paraan ng pag-access sa feature ng pag-export ng file sa MyFitnessPal iOS app. Mula sa “Home” screen, puwede kang (1) mag-tap sa “Higit pa” sa menu > “Nutrisyon” > mag-tap sa “Mag-export” sa kanang sulok sa itaas ng screen, o (2) mag-tap sa “Pag-usad” sa menu > mag-tap sa “Mag-export” sa kaliwang sulok sa itaas ng screen. Para sa dalawang paraang ito, kapag nag-tap ka na sa “Mag-export,” dadalhin ka sa screen na “Impormasyon ng Pag-export” kung saan ipapakumpirma sa iyo ang iyong email address at kung saan ka pipili ng hanay ng petsang ie-export. Pagkatapos, mag-tap sa button na “Mag-export.”

• Android – May dalawang paraan ng pag-access sa feature ng pag-export ng file sa MyFitnessPal Android app. Mula sa “Home” screen, puwede kang (1) mag-tap sa “Nutrisyon” sa menu > mag-tap sa icon na “Mag-export” sa kanang sulok sa itaas ng screen, o (2) mag-tap sa “Pag-usad” sa menu > mag-tap sa “Mag-export” sa kanang sulok sa itaas ng screen sa tabi ng “+” na icon. Para sa dalawang paraang ito, kapag nag-tap ka na sa icon na “Mag-export,” dadalhin ka sa screen na “Pag-export ng File” kung saan ipapakumpirma sa iyo ang iyong email address at kung saan ka pipili ng hanay ng petsang ie-export. Pagkatapos, mag-tap sa button na “Mag-export.”

Para sa bawat isa sa mga paraang ito, makakatanggap ka ng email mula sa MyFitnessPal na naglalaman ng link para i-download ang iyong mga file. Ida-download ang iyong impormasyon bilang isang set ng mga .CSV file sa loob ng isang zip file. Inirerekomenda namin ang pag-download sa mga file sa isang computer sa halip na sa mobile device. Para sa higit pang impormasyon tungkol sa pag-export sa iyong mga file at sa mga .CSV file sa pangkalahatan, pakibasa ang Mga FAQ sa Pag-export ng Data.

Kung hindi mo na ma-access ang iyong account, o kung gusto mong magsumite ng Subject Access Request, mangyaring makipag-ugnayan sa aming Customer Happiness team para sa tulong. Makikita ang higit pang impormasyon sa seksyong ‘_Makipag-ugnayan sa Amin_’ sa ibaba.

Pag-verify ng Mga Kahilingan

Nakalaan sa amin ang karapatang sumuri ng mga kahilingan at baguhin ang aming proseso ng pag-verify depende sa sitwasyon (case-by-case na batayan). Ganito ang aming mga pamantayang proseso:

Dapat makipag-ugnayan sa amin ang mga user nang direkta mula sa isang na-verify na email address, dapat silang makapasa sa isang hamon, at/o dapat nilang kumpirmahin ang impormasyong nauugnay sa account.

Pakitandaan, hindi direktang kikilalanin ng MyFitnessPal ang mga naka-automate o triggered na kahilingan tungkol sa mga karapatan mula sa mga third party na kumpanya nang walang karagdagang direktang pag-verify sa user, bilang patunay na ang user ang nagsagawa ng kahilingang ito, at bilang patunay na pagmamay-ari ng user ang account.

Makipag-ugnayan sa Amin

Puwede kang makipag-ugnayan sa amin ayon sa nakasaad sa ibaba o ayon sa nakasaad sa aming Patakaran sa Privacy. Para mangasiwa o mag-troubleshoot ng mga isyu sa iyong MyFitnessPal account, puwede mo ring bisitahin ang page ng Suporta na ito.